السجل التجاري و البطاقة الضريبية

حنتكلم عن موضوع السجل التجارى وليه دايما مهم فى معظم النشاطات ؟؟

 

وايه هى وظيفة السجل التجارى ؟؟؟ وأزاى بيفيد اى حد هيعمل نشاط جديد؟؟

 

وازاى استخرج سجل تجارى وبطاقه ضريبيه ؟؟؟

 

 

اولا :- مفهومه انه سجل موجود فى وزارة التجاره بيقيد فيه اسماء التجار وكل المعلومات الخاصه بنشاط التجاره

 

وده بيفيد فى انك بتكتسب صفة التاجر ..وكمان ممكن تستعلم عن اى تاجر عاوز تتعامل معاه فى شغل

 

وطبعا ليه وظيفه احصائيه للدوله ...علشان الدوله تقدر تحصر حجم التجاره فيها ...تمام كده ...

 

طيب مين المفروض انه يقيد فيه السجل التجارى ؟؟؟؟؟

 

بالبلدي كده اى حد هيفتح نشاط تجارى فيه بيع وشراء او تقديم خدمات ..

 

هيطلع السجل التجارى ....وطبعا كافة انواع الشركات ...جميع الوكلات التجارية والجمعيات

 

 

طيب ندخل بقى فى المهم .... ايه المزايا اللي بيقدمهالي السجل التجاري ....؟؟؟

 

1- انك بيبقى معاك مستند فى بعض الانشطه بيعادل رخصه ...

2- انك بتغير المسمى الوظيفى فى البطاقه الشخصيه لصاحب ومدير شركة...

3- انك تقدر تتعامل مع كافة الهيئات الحكوميه بصفتك تاجر ...وتسهل حاجات كتير..

4- ممكن تدخل البنك وتاخد قرض بضمان السجل التجارى (( النشاط لتجارى ))

يبقي كده اخدنا فكره مبسطه عن الموضوع ....

 

طبعا لازم تحدد الشريحه المناسبه ليك فى الضرائب ...قبل ماتستخرج السجل..

 

الاوراق اللى لازم تحضرها .. عقد ايجار مكتوب فيه النشاط اللى هتفتحه ..وتاخد عليه اثبات تاريخ من الشهر العقارى – وصل كهرباء حديث للمكان – وصورة بطاقتك ....

 

...وبعدين تفتح ملف ضريبي فى الضرايب ..

 

واخر خطوه ..الغرفه التجاريه والسجل التجارى ...وبكده انت خلصت

 

البطاقه الضريبيه والسجل التجارى ... عايز تعمل سجل تجارى وتفتح ملف ضريبي ومش عارف ؟؟ احنا حنساعدك خطوه بخطوه ... وحنسهلك كل الإجراءات ...

 

الخطوة الأساسية و الأولي لبداية أي منشأه سواء كانت فردية أو شركة و سواء كان نشاطها تجاري أو صناعي أو مهني أو حرفي أو نشاط غير تجاري .. هي إخطار المأمورية المختصة بمزاولة النشاط خلال ثلاثين يوما من تاريخ بدء مزاولة النشاط و علي المأمورية المختصة فتح ملف ضريبي للممول فور إخطارها على ان يقوم الممول أو وكيله بالتقدم إلي المأمورية المختصة التي يتبعها لطلب استخراج بطاقة ضريبية , ومرفق معه أصول و صور المستندات الاتيه :-

 

1- البطاقة الشخصية

2- عقد الإيجار او عقد التمليك

3- عقد شركة الأشخاص او النشرة الخاصة التي تم فيها النشر عن الشركة أو صورة من عقدها و نظامها الأساسي

 

• سوف يتم الإطلاع علي أصول هذه المستندات فقط و الاحتفاظ بالصور وينشا بكل مأمورية سجل خاص تقيد به بيانات كل بطاقة.

 

• يجب ان تتضمن البطاقة الضريبية للممول البيانات التالية :-

 

1- رقم التسجيل الضريبي

2- الرقم المسلسل للبطاقة طبقا لما هو وارد في سجل قيد البطاقة

3- تاريخ الإصدار و تاريخ الانتهاء

4- كود المأمورية

5- اسم الممول

6- عنوان الممول

7- رقم الملف الضريبي

8- نشاط الممول

9- السمة التجارية

10- عنوان المركز الرئيسي و الفروع و المخازن

11- تاريخ بدء مزاولة كل نشاط

12- الكيان القانوني

13- بيانات الإقرار ( سنة الإقرار –تاريخ الإقرار – توقيع المختص بالمأمورية )

14- بيانات الإعفاءات الضريبية

15- أي تغيير في بيانات البطاقة

 

 

• تصدر البطاقة الضريبية بلونين :-
  
  

 

- اللون الأخضر :- للأشخاص الطبيعيين

 

- اللون الأحمر :- للأشخاص الاعتبارية

 

* تكون مدة سريان البطاقة الضريبية خمس سنوات من تاريخ إصدارها , و تعتبر البطاقة لاغية و غير صالحة للتعامل بها عند انتهاء هذه المدة علي أن تثبت بالبطاقة في مكان ظاهر عبارة تفيد ذلك .

 

 

• ولا يجوز إصدار أكثر من بطاقة ضريبية للممول الواحد , فإذا كان للممول أكثر من نشاط تجاري أو صناعي أو مهني أو أكثر من فرع ,تقوم المأمورية المختصة بإصدار البطاقة الضريبية مأمورية المركز الرئيسي و يتم إخطار المأمورية التابع لها الممول عند التوقف عن النشاط بتقديم طلب كتابي يوضح تاريخ التوقف والانشطة التى تم التوقف عنها .

 

 

و يعتبر من حالات عدم تحقيق إيه إيرادات للممول بعد تاريخ التوقف :-

 

1- مغادرة البلاد نهائيا

2- الغلق الإجباري أو الإداري

3- ترك مكان مزاولة النشاط لمالك العقار

4- الاستيلاء علي مكان مزاولة النشاط للمنفعة العامة

 

يكون من حق الممول الذي يرغب في التوقف عن مزاولة النشاط او التنازل عن المنشاه او مغادرة البلاد مغادرة نهائية

 

 

طلب تحديد موقفه الضريبي حتي تاريخ توقفه او تنازله او مغادرة البلاد بشرط ان يكون قد قدم الاقرارات الملتزم بها قانونا , وعلي المامورية المختصة اجابته الي طلبه خلال تسعين يوما من تاريخ استلام الطلب بعد سداد رسم قدره خمسة جنيهات