تقسيم الميراث لمن ليس له ولد 

 

أولا : مين هم الورثة اللي بيعترف بيهم الشرع و القانون :

 

ثانيا : من يرث المتوفى الذي ليس له ولد : 

س: كيف بيتم تقسيم الميراث على كل واحد منهم ؟

س : كيف بيتم ترتيب الورثة ؟

س : طب في حالة لو لم يكن للمتوفى أقارب إلا شخص واحد من بعيد أو عدة اقارب ؟

س : طب في حالة لو لم يكن للمتوفى أي أقارب ؟

أولا : مين هم الورثة اللي بيعترف بيهم الشرع و القانون :

الورثة من الذكور هم: الولد، ابن الابن، الأب، الجد، الأخ الشقيق، الأخ لأب، الأخ لأم، ابن الأخ الشقيق،ابن الأخ لأب، العم الشقيق، العم لأب، ابن العم الشقيق، ابن عم لأب والزوج.

الوارثات من النساء: البنت، بنت ابن، الأم، الزوجة، الجدة، الأخت الشقيقة، الأخت لأب والأخت لأم.

س: كيف بيتم تقسيم الميراث على كل واحد منهم ؟

ج : فيه أولوية في تقسيم الميراث يعني مثلا لو شخص مات و كان عنده ولد و بنت و زوجة على سبيل المثال ففي الحالة دي هو بيحجب يعني بيمنع باقي اقاربه من الميراث ما عدا الأب و الأم .

س : كيف بيتم ترتيب الورثة ؟

ج : موضوع ترتيب الورثة ده بيختلف من حالة لأخرى لكن بشكل عام فالموضوع مرتب شرعا و قانونا وفقا لمين هم الورثة الموجودين بعد وفاة المتوفى , و مين اللي يستحق الوصية الواجبة كما سبق و أشرنا في الموضوع في اللينك ده : الوصية و الوصية الواجبة 

 

 طب في حالة عدم وجود ورثة ف من بيرث تركة المتوفى ؟

ثانيا : من يرث المتوفى الذي ليس له ولد : 

 

الحالة الأولى :لو  كان والد او والدة المتوفى على قيد الحياة و كان له زوجة : 

في الحالة دي الزوجة حتاخد ربع التركة و الأم ليها ثلث الباقي ( يساوي ربع التركة ) و الأب نصيبه الباقي ( نصف التركة)

 

الحالة الثانية : لو كان والدة المتوفي و زوجته فقط على قيد الحياة :

في الحالة دي الأم ليها ثلث التركة و الزوجة لها الربع و الباقي بيتقسم على اصحاب الفروض اللي سبق ذكرهم وفقا لمرتبة كل واحد فيهم في الميراث , طب لو مافيش حد منهم موجود ؟ في الحالة دي الباقي بيرجع للزوجة و  الأم , الزوجة بتاخد ربع الباقي  و الأم بتاخد باقي التركة .

 

الحالة الثالثة : لو كانت زوجة المتوفى فقط على قيد الحياة 

في الحالة دي نصيب الزوجة الربع و الباقي بيتقسم على اصحاب الفروض اللي سبق ذكرهم وفقا لمرتبة كل واحد فيهم في الميراث , و لو مافيش حد فيهم فالباقي بيترد للزوجة.
و هكذا في باقي الحالات كلها كل واحد بياخد نصيبه الشرعي و الباقي  بيتقسم على اصحاب الفروض اللي سبق ذكرهم وفقا لمرتبة كل واحد فيهم في الميراث و إلا فالوارث الوحيد بيترد إليه باقي التركة . 

س : طب في حالة لو لم يكن للمتوفى أقارب إلا شخص واحد من بعيد أو عدة اقارب ؟

ج : في الحالة دي بيتوزع عليهم الميراث بالتعصيب يعني للذكر مثل حظ الانثيين .

س : طب في حالة لو لم يكن للمتوفى أي أقارب ؟ 

ج : في الحالة دي بتؤول يعني بتنتقل تركته للدولة لأنه ليس له وريث سواء من ذوي الأرحام (اللي هم سبق ذكرهم ) و لا من الأصهار .

 

و في النهاية زي ما ذكرنا لحضراتكم ف نصيب كل وارث بيختلف من حالة لأخرى و من وريث لآخر بل ان احيانا نجد كمان ان الشخص نفسه بيختلف نصيبه من حالة لأخرى و عشان كدة يمكن التواصل مع اكتر من محامي مناسب ليك وموثوق فيه علي موقع المتر في حالة أي تساؤل من حضراتكم .

 

بقلم المحامي / أ. محمد رفيق إبراهيم 

 

أحصل على 15 دقيقة أستشارة مجانية مع محامى.